daridrya dahana shiva stotram in hindi-दारिद्र्य दहन शिव स्तोत्रम्

daridrya dahana shiva stotram in hindi
lord shiva daridrya dahana shiva stotram in hindi

 

 

 

विश्वेश्वराय नरकार्णव तारणाय
कर्णामृताय शशिशेखर धारणाय |
कर्पूरकान्ति धवलाय जटाधराय
दारिद्र्यदुःख दहनाय नमश्शिवाय ‖ 1 ‖

गौरीप्रियाय रजनीश कलाधराय
कालान्तकाय भुजगाधिप कङ्कणाय |
गङ्गाधराय गजराज विमर्धनाय
दारिद्र्यदुःख दहनाय नमश्शिवाय ‖ 2 ‖

भक्तप्रियाय भवरोग भयापहाय
उग्राय दुःख भवसागर तारणाय |
ज्योतिर्मयाय गुणनाम सुनृत्यकाय
दारिद्र्यदुःख दहनाय नमश्शिवाय ‖ 3 ‖

चर्माम्बराय शवभस्म विलेपनाय
फालेक्षणाय मणिकुण्डल मण्डिताय |
मञ्जीरपादयुगलाय जटाधराय
दारिद्र्यदुःख दहनाय नमश्शिवाय ‖ 4 ‖

पञ्चाननाय फणिराज विभूषणाय
हेमाङ्कुशाय भुवनत्रय मण्डिताय
आनन्द भूमि वरदाय तमोपयाय |
दारिद्र्यदुःख दहनाय नमश्शिवाय ‖ 5 ‖

भानुप्रियाय भवसागर तारणाय
कालान्तकाय कमलासन पूजिताय |
नेत्रत्रयाय शुभलक्षण लक्षिताय
दारिद्र्यदुःख दहनाय नमश्शिवाय ‖ 6 ‖

रामप्रियाय रघुनाथ वरप्रदाय
नागप्रियाय नरकार्णव तारणाय |
पुण्याय पुण्यभरिताय सुरार्चिताय
दारिद्र्यदुःख दहनाय नमश्शिवाय ‖ 7 ‖

मुक्तेश्वराय फलदाय गणेश्वराय
गीताप्रियाय वृषभेश्वर वाहनाय |
मातङ्गचर्म वसनाय महेश्वराय
दारिद्र्यदुःख दहनाय नमश्शिवाय ‖ 8 ‖

वसिष्ठेन कृतं स्तोत्रं सर्वरोग निवारणम् |
सर्वसम्पत्करं शीघ्रं पुत्रपौत्रादि वर्धनम् |
त्रिसन्ध्यं यः पठेन्नित्यं न हि स्वर्ग मवाप्नुयात् ‖ 9 ‖

‖ इति श्री वसिष्ठ विरचितं दारिद्र्यदहन शिवस्तोत्रम् सम्पूर्णम् ‖

About Ashok Kanumalla

Ahsok

Check Also

gayatri kavacham in hindi-गायत्री कवचम्

  नारद उवाच स्वामिन् सर्वजगन्नाध संशयोऽस्ति मम प्रभो चतुषष्टि कलाभिज्ञ पातका द्योगविद्वर मुच्यते केन पुण्येन …

Leave a Reply

Your email address will not be published. Required fields are marked *