Dharma Sastha Stotram by Sringeri Jagadguru in Telugu-ధర్మశాస్తా స్తోత్రం (శృంగేరి జగద్గురు విరచితం)

 

 

 

జగత్ప్రతిష్ఠాహేతుర్యః ధర్మః శ్రుత్యంతకీర్తితః |
తస్యాపి శాస్తా యో దేవస్తం సదా సముపాశ్రయే || ౧ ||

శ్రీశంకరాచార్యైః శివావతారైః
ధర్మప్రచారాయ సమస్తకాలే |
సుస్థాపితం శృంగమహీధ్రవర్యే
పీఠం యతీంద్రాః పరిభూషయంతి || ౨ ||

తేష్వేవ కర్మందివరేషు విద్యా-
-తపోధనేషు ప్రథితానుభావః |
విద్యాసుతీర్థోఽభినవోఽద్య యోగీ
శాస్తారమాలోకయితుం ప్రతస్థే || ౩ ||

ధర్మస్య గోప్తా యతిపుంగవోఽయం
ధర్మస్య శాస్తారమవైక్షతేతి |
యుక్తం తదేతద్యుభయోస్తయోర్హి
సమ్మేలనం లోకహితాయ నూనమ్ || ౪ ||

కాలేఽస్మిన్ కలిమలదూషితేఽపి ధర్మః
శ్రౌతోఽయం న ఖలు విలోపమాప తత్ర |
హేతుః ఖల్వయమిహ నూనమేవ నాన్యః
శాస్తాఽస్తే సకలజనైకవంద్యపాదః || ౫ ||

జ్ఞానం షడాస్యవరతాతకృపైకలభ్యం
మోక్షస్తు తార్క్ష్యవరవాహదయైకలభ్యః |
జ్ఞానం చ మోక్ష ఉభయం తు వినా శ్రమేణ
ప్రాప్యం జనైః హరిహరాత్మజసత్ప్రసాదాత్ || ౬ ||

యమనియమాదిసమేతైః యతచిత్తైర్యోగిభిః సదా ధ్యేయమ్ |
శాస్తారం హృది కలయే ధాతారం సర్వలోకస్య || ౭ ||

శబరగిరినివాసః సర్వలోకైకపూజ్యః
నతజనసుఖకారీ నమ్రహృత్తాపహారీ |
త్రిదశదితిజసేవ్యః స్వర్గమోక్షప్రదాతా
హరిహరసుతదేవః సంతతం శం తనోతు || ౮ ||

ఇతి శృంగేరి జగద్గురు శ్రీ శ్రీ భారతీతీర్థ మహాస్వామిభిః విరచితం ధర్మశాస్తా స్తోత్రమ్ |

About Ashok Kanumalla

Ahsok

Check Also

Anjaneya Sahasranama Stotram in Telugu- ఆంజనేయ సహస్రనామ స్తోత్రం

    ఓం అస్య శ్రీహనుమత్సహస్రనామస్తోత్ర మన్త్రస్య శ్రీరామచన్ద్రఋషిః  అనుష్టుప్ఛన్దః శ్రీహనుమాన్మహారుద్రో దేవతా  హ్రీం శ్రీం హ్రౌం హ్రాం బీజం  …

Leave a Reply

Your email address will not be published. Required fields are marked *