Breaking News

దీపదానం చేస్తే అష్టైశ్వర్యాలతో పాటు స్వర్గలోక ప్రాప్తి ఉంటుందా ?దీపదానం ఎపుడు చేయాలి

కార్తీక మాసంలో పత్తిని తీసుకొని వత్తి చేసి వరిపిండితోగానీ, గోధుమపిండితోగానీ చేసిన ప్రమిదలో నెయ్యి పోసి దీపం వెలిగించి ఆ దీపాన్ని పురోహితునికి దానం చెయ్యాలి. ఇదేవిధంగా నెలంతా దానం ఇచ్చి నెలాఖరున వెండి ప్రమిదలో బంగారపు రంగుతో అంటే, పసుపునుపూసిన వత్తితో దీపం వెలిగించి దానిని బ్రాహ్మణునికి దానం చేయండి. ఆపై బ్రాహ్మణునిని అన్నదానం కూడా చేయండి. దీపాన్ని దానం చేసేటప్పుడు ఈ మంత్రాన్ని పఠించాలి.

“సర్వజ్ఞానప్రదం దీపం సర్వసంప త్సుఖావహం”
“దీపదానం ప్రదాస్వామి శాంతిరస్తు సదామమ”-
అనే మంత్రాన్ని మనస్సులో ధ్యానించి దానం చేయాలి. ఇలా స్త్రీలుగాని, పురుషులు గానీ దీపదానం చేస్తే విద్య, దీర్ఘాయువు, అష్టైశ్వర్యాలు, స్వర్గప్రాప్తి లభిస్తుంది. కార్తీకమాసంలో దీపదానం చేస్తే తెలిసిగానీ, తెలియకగానీ చేసిన పాపాలు తొలగిపోతాయి అని శాస్త్రం చెబుతోంది.

ఈ దీపదానం మహిమను గురించి వివరించే కథ ఇది. పూర్వం ద్రవిడ దేశంలో పరమలోభిగా ఓ స్త్రీ జీవించేది. తమకంటూ ఎవ్వరూ లేని స్థితిలో ఉన్నఆ మహిళ బిచ్చమెత్తుకుంటూ, తనకని వంట చేసుకోక ఇతరుల ఇళ్లల్లో తింటూ బతికేది. అంతేకాకుండా ఎవరికి దాన ధర్మాలు చేయదు. ప్రతి పైసాను కూడబెట్టుకునేది. పుణ్యక్షేత్రాలకు వెళ్లేదికాదు. పరమలోభి. శుచిశుభ్రత లేకుండా జీవితాన్నిగడుపుతూ ఏదో ఒక మార్గంలో వెళ్తున్నఆమెకు ఓరోజు ఉత్తముడైన బ్రాహ్మణుడు ఉపదేశం చేస్తాడు. ఆ ఉపదేశం మేరకు కార్తీక మాసం పూర్తిగా చల్లటినీటిలో స్నానం చేసి దీపదానం చేసింది. కొద్ది రోజుల తర్వాత ఆరోగ్యం క్షీణించి మరణించింది ఆమె.

ఇతరులకు దానం, పుణ్యక్షేత్రాల సందర్శన చేయని ఆమెకు దీపదానం చేయడం ద్వారా స్వర్గప్రాప్తి లభించింది. ఈ కథను వసిష్ఠుడు జనక మహారాజుకు మోక్షమార్గాలను ఉపదేశించే సమయంలో పేర్కొన్నట్లు పురాణాలు చెబుతున్నాయి.కాబట్టి మీరు కూడా దీప దానం చేసుకొని ఆనందమాయమైన జీవితాన్ని గడపండి.

About Ashok Kanumalla

Ahsok

Check Also

ఏ దేవునికి ఏ నైవేద్యం పెట్టాలి ? ఏ దేవునికి ఏ మాల వెయ్యాలో తెలుసుకోండి

1. విఘ్నేశ్వరునికి : బెల్లం, ఉండ్రాళ్ళు, జిల్లేడుకాయలు నైవేద్యం. శ్వేత (తెల్లని) అక్షతలతో పూజించాలి. గణపతికి గరికమాల అంటే చాలా …

6 comments

  1. మల్లికార్జున రావు ఊరందూరు

    అద్భుతo

  2. Excellent 👌👌👌 information

    • అక్షింతల పార్థసారథి

      చాలా చాలా మంచి విషయాలు తెలియజేస్తున్న నందుకు థాంక్యూ అశోక్ కుమార్ శుభరాత్రి

  3. Dhulipalla Raghavendra Rao

    దీప దాన మహిమను చక్కగా వివరించావు అశోక్ సంతోషం

  4. Supper massage

Leave a Reply

Your email address will not be published. Required fields are marked *