Ganapathi Geeta in Telugu-గణపతి గీతా

Ganapathi Geeta in Telugu
Lord Ganapathi Geeta in Telugu

 

క్వప్రాసూత కదా త్వాం గౌరీ న ప్రామాణ్యం తవ జననే |
విప్రాః ప్రాహురజం గణరాజం యః ప్రాచామపి పూర్వతనః || ౧ ||

నాసిగణపతే శంకరాత్మజో భాసి తద్వదేవాఖిలాత్మక |
ఈశతాతవానీశతానృణాం కేశవేరితా సాశయోక్తిభిః || ౨ ||

గజముఖతావకమంత్రమహిమ్నా సృజతి జగద్విధిరనుకల్పమ్ |
భజతి హరిస్తాం తదవనకృత్యే యజతి హరోపి విరామవిధౌ || ౩ ||

సుఖయతి శతమఖముఖసురనిక రానఖిలక్రతువిఘ్నఘ్నోయమ్ |
నిఖిలజగజ్జీవకజీవనదస్సఖలు యతః పర్జన్యాత్మా || ౪ ||

ప్రారంభే కార్యాణాం హేరంబం యో ధ్యాయేత్ |
పారం యాత్యేవకృతే రారాదాప్నోతి సుఖమ్ || ౫ ||

గౌరీసూనోః పాదాంభోజే లీనాచేతో వృత్తిర్మే |
ఘోరే సంసారారణ్యేవా వాసః కైలాసేవాస్తు || ౬ ||

గుహగురుపదయుగమనిశమభయదమ్ |
వహసి మనసి యది శమయసి దురితమ్ || ౭ ||

జయ జయ శంకరవరసూనో భయహర భజతాం గణరాజ |
నయమమచేతస్తవచరణం నియమమ ధర్మేన్తఃకరణమ్ || ౮ ||

చలసిచిత్త కిన్ను విషమ విషయకాననే
కలయవృత్తి మమృతదాతృకరివరాననే |
తులయఖేదమోదయుగళమిదమశాశ్వతం
విలయభయమలంఘ్యమేవ జన్మని స్మృతమ్ || ౯ ||

సోమశేఖరసూనవే సిందూరసోదరభానవే
యామినీపతిమౌళయే యమిహృదయవిరచితకేళయే |
మూషకాధిపగామినే ముఖ్యాత్మనోంతర్యామినే
మంగళం విఘ్నద్విషే మత్తేభవక్త్రజ్యోతిషే || ౧౦ ||

అవధీరితదాడిమసుమసౌభగ-మవతుగణేశజ్యోతి-
ర్మామవతు గణేశజ్యోతిః |
హస్తచతుష్టయధృతవరదాభయ పుస్తకబీజాపూరం
ధృతపుస్తకబీజాపూరమ్ || ౧౧ ||

రజితాచలవప్రక్రీడోత్సుక గజరాజాస్యముదారం,
భజ శ్రీ గజరాజాస్యముదారమ్ |
ఫణిపరికృతకటివలయాభరణం కృణురే జనహృది కారణం,
తవ కృణురే జనహృదికారణమ్ || ౧౨ ||

యః ప్రగే గణరాజమనుదిన-మప్రమేయమనుస్మరేత్ |
సప్రయాతి పవిత్రితాంగో విప్రగంగాద్యధికతామ్ || ౧౩ ||

సుబ్రహ్మణ్యమనీషి విరచితాత్వబ్రహ్మణ్యమపాకురుతే |
గణపతిగీతా గానసముచితా సమ్యక్పఠతాం సిద్ధాంతః || ౧౪ ||

ఇతి శ్రీ సుబ్రహ్మణ్యయోగి విరచితా శ్రీ గణపతి గీతా |

About Ashok Kanumalla

Ahsok

Check Also

Vallabhesha Hrudayam in Telugu- వల్లభేశ హృదయం

    శ్రీదేవ్యువాచ – వల్లభేశస్య హృదయం కృపయా బ్రూహి శంకర | శ్రీశివ ఉవాచ – ఋష్యాదికం మూలమంత్రవదేవ …

Leave a Reply

Your email address will not be published. Required fields are marked *