Nageshwara Stuti in Telugu-నాగేశ్వర స్తుతిః

Nageshwara Stuti in Telugu
Goddess Nageshwara Stuti in Telugu

 

 

 

యో దేవః సర్వభూతానామాత్మా హ్యారాధ్య ఏవ చ |
గుణాతీతో గుణాత్మా చ స మే నాగః ప్రసీదతు || ౧ ||

హృదయస్థోపి దూరస్థః మాయావీ సర్వదేహినామ్ |
యోగినాం చిత్తగమ్యస్తు స మే నాగః ప్రసీదతు || ౨ ||

సహస్రశీర్షః సర్వాత్మా సర్వాధారః పరశ్శివః |
మహావిషాస్యజనకః స మే నాగః ప్రసీదతు || ౩ ||

కాద్రవేయోమహాసత్త్వః కాలకూటముఖాంబుజః |
సర్వాభీష్టప్రదో దేవః స మే నాగః ప్రసీదతు || ౪ ||

పాతాళనిలయో దేవః పద్మనాభసుఖప్రదః |
సర్వాభీష్టప్రదో యస్తుః స మే నాగః ప్రసీదతు || ౫ ||

నాగనారీరతో దక్షో నారదాది సుపూజితః |
సర్వాఽరిష్టహరో యస్తు స మే నాగః ప్రసీదతు || ౬ ||

పృదాకుదేవః సర్వాత్మా సర్వశాస్త్రార్థపారగః |
ప్రారబ్ధపాపహంతా చ స మే నాగః ప్రసీదతు || ౭ ||

లక్ష్మీపతేస్సపర్యంకః శంభోస్సర్వాంగభూషణః |
యో దేవః పుత్రదో నిత్యం స మే నాగః ప్రసీదతు || ౮ ||

ఫణీశః పరమోదారః శాపపాపనివారకః |
సర్వపాపహరో యస్తు స మే నాగః ప్రసీదతు || ౯ ||

సర్వమంగళదో నిత్యం సుఖదో భుజగేశ్వరః |
యశః కీర్తిం చ విపులాం శ్రియమాయుః ప్రయచ్ఛతు || ౧౦ ||

మనోవాక్కాయజనితం జన్మజన్మాంతరార్జితం |
యత్పాపం నాగదేవేశ విలయం యాతు సంప్రతి || ౧౧ ||

నీరోగం దేహపుష్టిం చ సర్వవశ్యం ధనాగమం |
పశుధాన్యాభివృద్ధిం చ యశోవృద్ధిం చ శాశ్వతమ్ || ౧౨ ||

పరవాక్స్తంభినీం విద్యాం వాగ్మిత్వం సూక్ష్మబుద్ధితాం |
పుత్రం వంశకరం శ్రేష్ఠం దేహి మే భక్తవత్సల || ౧౩ ||

ఇతి శ్రీ నాగేశ్వర స్తుతిః |

About Ashok Kanumalla

Ahsok

Check Also

Anjaneya Sahasranama Stotram in Telugu- ఆంజనేయ సహస్రనామ స్తోత్రం

    ఓం అస్య శ్రీహనుమత్సహస్రనామస్తోత్ర మన్త్రస్య శ్రీరామచన్ద్రఋషిః  అనుష్టుప్ఛన్దః శ్రీహనుమాన్మహారుద్రో దేవతా  హ్రీం శ్రీం హ్రౌం హ్రాం బీజం  …

Leave a Reply

Your email address will not be published. Required fields are marked *