Raghavendra Mangalashtakam in Telugu- రాఘవేంద్ర మంగళాష్టకం

Raghavendra Mangalashtakam in Telugu
Sri Raghavendra Mangalashtakam in Telugu

 

శ్రీమద్రామపాదారవిందమధుపః శ్రీమధ్వవంశాధిపః
సచ్చిష్యోడుగణోడుపః శ్రితజగద్గీర్వాణసత్పాదపః |
అత్యర్థం మనసా కృతాచ్యుతజపః పాపాంధకారాతపః
శ్రీమత్సద్గురురాఘవేంద్రయతిరాట్ కుర్యాద్ధ్రువం మంగళమ్ || ౧ ||

కర్మందీంద్రసుధీంద్రసద్గురుకరాంభోజోద్భవః సంతతం
ప్రాజ్యధ్యానవశీకృతాఖిలజగద్వాస్తవ్యలక్ష్మీధవః |
సచ్ఛాస్త్రాది విదూషకాఖిలమృషావాదీభకంఠీరవః
శ్రీమత్సద్గురురాఘవేంద్రయతిరాట్ కుర్యాద్ధ్రువం మంగళమ్ || ౨ ||

సాలంకారకకావ్యనాటకకలాకాణాదపాతంజల-
త్రయ్యర్థస్మృతిజైమినీయకవితాసంకీతపారంగతః |
విప్రక్షత్రవిడంఘ్రిజాతముఖరానేకప్రజాసేవితః
శ్రీమత్సద్గురురాఘవేంద్రయతిరాట్ కుర్యాద్ధ్రువం మంగళమ్ || ౩ ||

రంగోత్తుంగతరంగమంగలకర శ్రీతుంగభద్రాతట-
ప్రత్యక్స్థద్విజపుంగవాలయ లసన్మంత్రాలయాఖ్యే పురే |
నవ్యేంద్రోపలనీలభవ్యకరసద్వృందావనాంతర్గతః
శ్రీమత్సద్గురురాఘవేంద్రయతిరాట్ కుర్యాద్ధ్రువం మంగళమ్ || ౪ ||

విద్వద్రాజశిరఃకిరీటఖచితానర్ఘ్యోరురత్నప్రభా
రాగాఘౌఘహపాదుకాద్వయచరః పద్మాక్షమాలాధరః |
భాస్వద్దణ్టకమండలూజ్జ్వలకరో రక్తాంబరాడంబరః
శ్రీమత్సద్గురురాఘవేంద్రయతిరాట్ కుర్యాద్ధ్రువం మంగళమ్ || ౫ ||

యద్వృందావనసత్ప్రదక్షిణనమస్కారాభిషేకస్తుతి-
ధ్యానారాధనమృద్విలేపనముఖానేకోపచారాన్ సదా |
కారం కారమభిప్రయాంతి చతురో లోకాః పుమర్థాన్ సదా
శ్రీమత్సద్గురురాఘవేంద్రయతిరాట్ కుర్యాద్ధ్రువం మంగళమ్ || ౬ ||

వేదవ్యాసమునీశమధ్వయతిరాట్ టీకార్యవాక్యామృతం
జ్ఞాత్వాఽద్వైతమతం హలాహలసమం త్యక్త్వా సమాఖ్యాప్తయే |
సంఖ్యావత్సుఖదాం దశోపనిషదాం వ్యాఖ్యాం సమాఖ్యన్ముదా
శ్రీమత్సద్గురురాఘవేంద్రయతిరాట్ కుర్యాద్ధ్రువం మంగళమ్ || ౭ ||

శ్రీమద్వైష్ణవలోకజాలకగురుః శ్రీమత్పరివ్రాడ్గురుః
శాస్త్రే దేవగురుః శ్రితామరతరుః ప్రత్యూహగోత్రస్వరుః |
చేతోఽతీతశిరుస్తథా జితవరుస్సత్సౌఖ్యసంపత్కరుః
శ్రీమత్సద్గురురాఘవేంద్రయతిరాట్ కుర్యాద్ధ్రువం మంగళమ్ || ౮ ||

యస్సంధ్యాస్వనిశం గురోర్యతిపతేః సన్మంగలస్యాష్టకం
సద్యః పాపహరం స్వసేవి విదుషాం భక్త్యైతదాభాషితమ్ |
భక్త్యా వక్తి సుసంపదం శుభపదం దీర్ఘాయురారోగ్యకం
కీర్తిం పుత్రకలత్రబాంధవసుహృన్మూర్తిః ప్రయాతి ధ్రువమ్ ||

ఇతి శ్రీమదప్పణాచార్యకృతం రాఘవేంద్రమంగళాష్టకం సంపూర్ణమ్ |

About Ashok Kanumalla

Ahsok

Check Also

Ketu Ashtottara Shatanamavali in Telugu-కేతు అష్టోత్తరశతనామావళిః

  ఓం కేతవే నమః | ఓం స్థూలశిరసే నమః | ఓం శిరోమాత్రాయ నమః | ఓం ధ్వజాకృతయే …

Leave a Reply

Your email address will not be published. Required fields are marked *