Sankata Nama Ashtakam in Telugu-సంకటనామాష్టకమ్

Sankata Nama Ashtakam in Telugu
God Sankata Nama Ashtakam in Telugu

 

 

 

నారద ఉవాచ –
జైగీషవ్య మునిశ్రేష్ఠ సర్వజ్ఞ సుఖదాయక |
ఆఖ్యాతాని సుపుణ్యాని శ్రుతాని త్వత్ప్రసాదతః || ౧ ||

న తృప్తిమధిగచ్ఛామి తవ వాగమృతేన చ |
వదస్వైకం మహాభాగ సంకటాఖ్యానముత్తమమ్ || ౨ ||

ఇతి తస్య వచః శ్రుత్వా జైగీషవ్యోఽబ్రవీత్తతః |
సంకష్టనాశనం స్తోత్రం శృణు దేవర్షిసత్తమ || ౩ ||

ద్వాపరే తు పురా వృత్తే భ్రష్టరాజ్యో యుధిష్ఠిరః |
భ్రాతృభిస్సహితో రాజ్యనిర్వేదం పరమం గతః || ౪ ||

తదానీం తు తతః కాశీం పురీం యాతో మహామునిః |
మార్కండేయ ఇతి ఖ్యాతః సహ శిష్యైర్మహాయశాః || ౫ ||

తం దృష్ట్వా స సముత్థాయ ప్రణిపత్య సుపూజితః |
కిమర్థం మ్లానవదన ఏతత్త్వం మాం నివేదయ || ౬ ||

యుధిష్ఠిర ఉవాచ –
సంకష్టం మే మహత్ప్రాప్తమేతాదృగ్వదనం తతః |
ఏతన్నివారణోపాయం కించిద్బ్రూహి మునే మమ || ౭ ||

మార్కండేయ ఉవాచ –
ఆనందకాననే దేవీ సంకటా నామ విశ్రుతా |
వీరేశ్వరోత్తరే భాగే పూర్వం చంద్రేశ్వరస్య చ || ౮ ||

శృణు నామాష్టకం తస్యాః సర్వసిద్ధికరం నృణామ్ |
సంకటా ప్రథమం నామ ద్వితీయం విజయా తథా || ౯ ||

తృతీయం కామదా ప్రోక్తం చతుర్థం దుఃఖహారిణీ |
శర్వాణీ పంచమం నామ షష్ఠం కాత్యాయనీ తథా || ౧౦ ||

సప్తమం భీమనయనా సర్వరోగహరాఽష్టమమ్ |
నామాష్టకమిదం పుణ్యం త్రిసంధ్యం శ్రద్ధయాన్వితః || ౧౧ ||

యః పఠేత్పాఠయేద్వాపి నరో ముచ్యేత సంకటాత్ |
ఇత్యుక్త్వా తు ద్విజశ్రేష్ఠమృషిర్వారాణసీం యయౌ || ౧౨ ||

ఇతి తస్య వచః శ్రుత్వా నారదో హర్షనిర్భరః |
తతః సంపూజితాం దేవీం వీరేశ్వరసమన్వితామ్ || ౧౩ ||

భుజైస్తు దశభిర్యుక్తాం లోచనత్రయభూషితామ్ |
మాలాకమండలుయుతాం పద్మశంఖగదాయుతామ్ || ౧౪ ||

త్రిశూలడమరుధరాం ఖడ్గచర్మవిభూషితామ్ |
వరదాభయహస్తాం తాం ప్రణమ్య విధినందనః || ౧౫ ||

వారత్రయం గృహీత్వా తు తతో విష్ణుపురం యయౌ |
ఏతత్‍ స్తోత్రస్య పఠనం పుత్రపౌత్రవివర్ధనమ్ || ౧౬ ||

సంకష్టనాశనం చైవ త్రిషు లోకేషు విశ్రుతమ్ |
గోపనీయం ప్రయత్నేన మహావంధ్యాప్రసూతికృత్ || ౧౭ ||

ఇతి శ్రీపద్మపురాణే సంకటనామాష్టకమ్ |

About Ashok Kanumalla

Ahsok

Check Also

Anjaneya Sahasranama Stotram in Telugu- ఆంజనేయ సహస్రనామ స్తోత్రం

    ఓం అస్య శ్రీహనుమత్సహస్రనామస్తోత్ర మన్త్రస్య శ్రీరామచన్ద్రఋషిః  అనుష్టుప్ఛన్దః శ్రీహనుమాన్మహారుద్రో దేవతా  హ్రీం శ్రీం హ్రౌం హ్రాం బీజం  …

Leave a Reply

Your email address will not be published. Required fields are marked *