Shuka Ashtakam in Telugu(Vyasa Putra Ashtakam)-శుకాష్టకమ్

Shuka Ashtakam in Telugu(Vyasa Putra Ashtakam)
Sri Gurudev Shuka Ashtakam in Telugu(Vyasa Putra Ashtakam)

 

 

భేదాభేదౌ సపదిగళితౌ పుణ్యపాపే విశీర్ణే
మాయామోహౌ క్షయమధిగతౌ నష్టసందేహవృత్తీ |
శబ్దాతీతం త్రిగుణరహితం ప్రాప్య తత్త్వావబోధం
నిస్త్రైగుణ్యే పథి విచరతాం కో విధిః కో నిషేధః || ౧ ||

యస్స్వాత్మానం సకలవపుషామేకమంతర్బహిస్థం
దృష్ట్వా పూర్ణం ఖమివ సతతం సర్వభాండస్థమేకమ్ |
నాన్యత్కార్యం కిమపి చ తథా కారణాద్భిన్నరూపం
నిస్త్రైగుణ్యే పథి విచరతాం కో విధిః కో నిషేధః || ౨ ||

యద్వన్నద్యోఽంబుధిమధిగతాస్సాగరత్వం ప్రపన్నాః
తద్ద్వజ్జీవాస్సమరసగతాః చిత్స్వరూపం ప్రపన్నాః |
వాచాతీతే సమరసఘనే సచ్చిదానందరూపే
నిస్త్రైగుణ్యే పథి విచరతాం కో విధిః కో నిషేధః || ౩ ||

హేమ్నః కార్యం హుతవహగతం హేమతామేతి తద్వత్
క్షీరం క్షీరే సమరసగతం తోయమేవాంబుమధ్యే |
ఏవం సర్వం సమరసగతం త్వం పదం తత్పదార్థే
నిస్త్రైగుణ్యే పథి విచరతాం కో విధిః కో నిషేధః || ౪ ||

కశ్చాత్రాహం కిమపి చ భవాన్ కోఽయమత్ర ప్రపంచః
స్వాంతర్వేద్యే గగనసదృశే పూర్ణతత్త్వప్రకాశే |
ఆనందాఖ్యే సమరసఘనే బాహ్య అంతర్విలీనే
నిస్త్రైగుణ్యే పథి విచరతాం కో విధిః కో నిషేధః || ౫ ||

దృష్ట్వా సర్వం పరమమమృతం స్వప్రకాశస్వరూపం
బుధ్వాత్మానం విమలమచలం సచ్చిదానందరూపమ్ |
బ్రహ్మాధారం సకలజగతాం సాక్షిణం నిర్విశేషం
నిస్త్రైగుణ్యే పథి విచరతాం కో విధిః కో నిషేధః || ౬ ||

కార్యాకార్యం కిమపి చరతో నైవకర్తృత్వమస్తి
జీవన్ముక్తిస్స్థితిరిహ గతా దగ్ధవస్త్రావభాసా |
ఏవం దేహే ప్రచలితతయా దృశ్యమానస్స ముక్తో
నిస్త్రైగుణ్యే పథి విచరతాం కో విధిః కో నిషేధః || ౭ ||

యస్మిన్ విశ్వం సకలభువనం సైంధవం సింధుమధ్యే
పృథ్వ్యంబ్వగ్నిశ్వసనగగనం జీవభావక్రమేణ |
యద్యల్లీనం తదిదమఖిలం సచ్చిదానందరూపం
నిస్త్రైగుణ్యే పథి విచరతాం కో విధిః కో నిషేధః || ౮ ||

సత్యం సత్యం పరమమమృతం శాంతి కళ్యాణహేతుం
మాయారణ్యే దహనమమలం శాంతినిర్వాణదీపమ్ |
తేజోరాశిం నిగమసదనం వ్యాసపుత్రాష్టకం యః
ప్రాతఃకాలే పఠతి సహసా యాతి నిర్వాణమార్గమ్ || ౯ ||

ఇతి శుకాష్టకమ్ |

About Ashok Kanumalla

Ahsok

Check Also

Veda Vyasa Stuti in Telugu- వేదవ్యాస స్తుతిః

  వ్యాసం వశిష్ఠనప్తారం శక్తేః పౌత్రమకల్మషమ్ | పరాశరాత్మజం వందే శుకతాతం తపోనిధిమ్ || ౧ వ్యాసాయ విష్ణురూపాయ వ్యాసరూపాయ …

Leave a Reply

Your email address will not be published. Required fields are marked *