Veda Vyasa Ashtakam in Telugu-వేదవ్యాసాష్టకమ్

Veda Vyasa Ashtakam in Telugu
Sri Gurudev Veda Vyasa Ashtakam in Telugu

 

కలిమలాస్తవివేకదివాకరం సమవలోక్య తమోవలితం జనమ్ |
కరుణయా భువి దర్శితవిగ్రహం మునివరం గురువ్యాసమహం భజే || ౧ ||

భరతవంశసముద్ధరణేచ్ఛయా స్వజననీవచసా పరినోదితః |
అజనయత్తనయత్రితయం ప్రభుః శుకనుతం గురువ్యాసమహం భజే || ౨ ||

మతిబలాది నిరీక్ష్య కలౌ నృణాం లఘుతరం కృపయా నిగమాంబుధేః |
సమకరోదిహ భాగమనేకధా శ్రుతిపతిం గురువ్యాసమహం భజే || ౩ ||

సకలధర్మనిరూపణసాగరం వివిధచిత్రకథాసమలంకృతమ్ |
వ్యరచయచ్చ పురాణకదంబకం కవివరం గురువ్యాసమహం భజే || ౪ ||

శ్రుతివిరోధసమన్వయదర్పణం నిఖిలవాదిమతాన్ధ్యవిదారణమ్ |
గ్రథితవానపి సూత్రసమూహకం మునిసుతం గురువ్యాసమహం భజే || ౫ ||

యదనుభావవశేన దివంగతః సమధిగమ్య మహాస్త్రసముచ్చయమ్ |
కురుచమూమజయద్విజయో ద్రుతం ద్యుతిధరం గురువ్యాసమహం భజే || ౬ ||

సమరవృత్తవిబోధసమీహయా కురువరేణ ముదా కృతయాచనః |
సపదిసూతమదాదమలేక్షణం కలిహరం గురువ్యాసమహం భజే || ౭ ||

వననివాసపరౌ కురుదంపతీ సుతశుచా తపసా చ వికర్శితౌ |
మృతతనూజగణం సమదర్శయన్ శరణదం గురువ్యాసమహం భజే || ౮ ||

వ్యాసాష్టకమిదం పుణ్యం బ్రహ్మానన్దేన కీర్తితమ్ |
యః పఠేన్మనుజో నిత్యం స భవేచ్ఛాస్త్రపారగః ||

ఇతి శ్రీపరమహంసస్వామి బ్రహ్మానందవిరచితం శ్రీవేదవ్యాసాష్టకమ్ |

About Ashok Kanumalla

Ahsok

Check Also

Raghavendra Stotram in Telugu-రాఘవేంద్ర స్తోత్రం

  శ్రీపూర్ణబోధగురుతీర్థపయోబ్ధిపారా కామారిమాక్షవిషమాక్షశిరః స్పృశంతీ | పూర్వోత్తరామితతరంగచరత్సుహంసా దేవాళిసేవితపరాంఘ్రిపయోజలగ్నా || ౧ || జీవేశభేదగుణపూర్తిజగత్సుసత్త్వ నీచోచ్చభావముఖనక్రగణైః సమేతా | దుర్వాద్యజాపతిగిళైః …

Leave a Reply

Your email address will not be published. Required fields are marked *