ద్వాదశ జ్యోతిర్లింగాలను ఎందుకు దర్శించాలి ? ఏ లింగాన్ని దర్శిస్తే ఏ విధమైన ఫలితాలు ఉంటాయి

పన్నెండు జ్యోతిర్లింగాలను చూసినా, తాకినా, పూజించినా, తలచినా మానవులు ఇహపర సుఖాలను పొందుతారని శివ పురాణం చెబుతోంది. కాబట్టి మీరు ఈ ద్వాదశ జ్యోతిర్లింగాలను దర్శించి మీ శక్తిమేర పూజలు చేసుకొని జీవితాన్ని ఆనందమయం చేసుకుంటారని ఆశిస్తున్నాను. అదీగాక శివుడు బోలా శంకరుడు అడిగిన వెంటనే కోరికలు తీరుస్తాడు కాబట్టి  పూజలు చేసుకొని సంతోషంగా ఉండండి. ఓం నమశ్శివాయ.

1 . సౌరాష్ట్ర దేశంలో చంద్రనిర్మితమైన, ఆయన పేరు తోనే అలరారుతున్నకుండంలో స్నానంచేసి, అక్కడ సోమనాథ జ్యోతిర్లింగాన్ని భక్తిశ్రద్ధలతో ఆరాధించిన వాళ్ళు కుష్ఠు , అపస్మారక, క్షయాది రోగవిముక్తులై ఆయురారోగ్యాలతో, భోగభాగ్యాలతోజీవిస్తారు అని శాస్త్రం చెబుతోంది.

2 . ఆంధ్రప్రదేశ్ లోని శ్రీశైలంలో మల్లిఖార్జుననామంతో వెలసిన శివుడి  జ్యోతిర్లింగారాధన వలన సర్వవిధ దరిద్రాలు సమసిపోయి, సద్యశ్శుభాలేర్పడి, అనంతరం మోక్ష పదం కలుగుతుంది అని శాస్త్రం చెబుతోంది.

3 . ఉజ్జయిని ‘మహాకాల’ నామకమైన జ్యోతిర్లింగార్చనవలన భయ రాహిత్యం, విద్యాపాటవం, భోగభాగ్యాలూ సమకూరి అన్నింటా విజయం సాధిస్తారు.

4 .  అమరేశ్వర, పరమేశ్వర, ఓంకారేశ్వారాది సార్థకనామధేయలాతో ఓంకారేశ్వరంలో వెలసిన శివుడి జ్యోతిర్లింగాన్ని పూజించడం వలన ఇహపరాలు  కృతార్థత లభిస్తుంది అని శివపురాణం చెబుతోంది చెబుతోంది.

5    శ్రీహరియొక్క రెండు అంశలైన నరనారాయణుల ప్రార్థనతో ఆవిర్భవించిన జ్యోతిర్లింగం హిమవత్పర్వతం మీద వుండి. కేదారేశ్వరుడిగా పేరు వహించిన ఇక్కడి లింగారాధన సర్వాభిష్టాలనూ నెరవేరుస్తుంది. ఇక్కడి రేతః కుండంలోని నీళ్ళతో మూడుసార్లు ఆచమించడమే ముక్తికి చేరువ మార్గమని ఋషులు చెబుతారు.

6 .   ఢాకిని అనే ప్రదేశంలో ఉన్న జ్యోతిర్లిగం పేరు భీమశంకరలింగం. ప్రాణావసానుడై ఉన్న భక్తుడి రక్షణార్థమై వెలసిన ఈ లింగారాధన వలన అన్ని విధాల భయాలూ అంతరించి, శత్రుజయం కలుగుతుంది. అకాలమృత్యువు సంభవించదు.

7 . కాశీలో సర్వప్రపంచం చేత సేవించ బడుతన్న విశ్వేశ్వరలింగం ఉంది. ఈ పుణ్యక్షేత్ర దర్శన  మాత్రం చేతేనే సమస్తమైన కర్మబంధాల నుంచీ విముక్తులౌతారు. ఇక్కడ కొన్నాళ్ళు నివసించినా, లేదా కాలవశాన ఇక్కడనే దేహం చాలించినవాళ్ళు మోక్షాన్నే పొంది కైలాసానికి వెళ్ళి పోతారు.

8 . మహారాష్ట్ర నాసిక్ లో ఉన్న జ్యోతిర్లింగం పేరు త్రయంబకేశ్వర లింగం. దీని ఆరాధన వలన అన్ని కోరికలూ తీరుతాయి. అపవాదులు నశిస్తాయి. మీ జీవితం కూడా చీకట్లు తొలగి వెలుగు వైపు వెళుతుంది.

9 .  చితాభూమిలో ఉన్న జ్యోతిర్లింగం వైద్యనాథుడు. ఈ లింగారాధన వలన భుక్తి ముక్తులే కాకుండా అనేక విధాలైన వ్యాధులు హరించబడతాయని శివ పురాణంలో చెప్పబడింది.

10 .   నాగేశ్వర జ్యోతిర్లింగం దర్శనార్చనాదుల వలన సమస్తమైన భయాలే కాకుండా, మహాపాతక ఉపపాతకాలు కూడా నశించిపోతాయి అని శాస్త్రవచనం.

11 .  శ్రీరాముని కోరికమేరకు రామేశ్వరంలో జ్యోతిర్లింగంగా వెలిసిన శివుడు, రామేశ్వరుడనే పేరుతోనూనే విరాజిల్లుతున్నాడు. కాశీలోని గంగా జలాన్ని తెచ్చి, ఇక్కడి లింగానికి అభిషేకం  చేసిన వాళ్ళు జీవన్ముక్తులవుతారని శివపురాణం చెబుతోంది.

12    ‘ఘృష్ణేశ్వరుడు’ శివాలయమనే కొలనులో భక్తరక్షణార్థమై ప్రభవించిన ఈ స్వయంభూలింగం భక్తులు కోరిన కోరికలు తీరుస్తూ వారి జీవితం సుఖమయం చేసింది.
కాబట్టి మీరు శివునికి అతి ముఖ్యమైన ద్వాదశ జ్యోతిర్లింగాలు దర్శించుకుని ముక్తిని పొందగలరని ఆశిస్తున్నాను.

About Ashok Kanumalla

Ahsok

Check Also

కార్తీక మాసంలో ఏ ఏ నియమాలు పాటించాలి ? ఏ సమస్యకు ఏ స్తోత్రం పఠించాలి

ఈ కార్తీక మాసం శివుడు,విష్ణువు ఇరువురి కి విశేషమైన మాసం .కార్తీక మాసంలో కార్తీక స్నానాలు, దీపాలు, క్షేత్ర దర్శనం, …

5 comments

  1. Dhwadasa Jyothirlingala Gurinchi Chhala Chakkaga Vivarinchinanduku Meeku Manaspoorthiga Danyavadhamulu Sir

  2. అక్షింతల పార్థసారథి

    పది పైసల అగరొత్తులు…..పావలా కర్పూరం……వెలిగించి పదే పదే పడి పడి నీ కష్టాలు తీర్చమని దేవుడిని మొక్కుతావు!

    ఆ దేవుడు నీకు జన్మనిచ్చింది నీ కష్టాలు తీర్చడానికి కాదు. నువ్వు మరొకరి కష్టాలు తీరుస్తావని ఒకరికి చేతనైన సాయం నువ్వు చేస్తే ఆ దేవుడు నీకు చేయాల్సింది చేస్తాడు……!

  3. ద్వాదశ జ్యోతిర్లింగాల విశిష్టతలు వాటిని గురించి చాలా విషయాలు తెలియజేసినందుకు స్వామిజీ అశోక్ గారికి ధన్యవాదాలు తెలుపుతున్నాను 🙏🙏🙏

  4. Nice

  5. Excellent 👌👌 information

Leave a Reply

Your email address will not be published. Required fields are marked *